Voh lamhe hansi ke…

Voh hue humse khafa hamari nadan harkat se,

Hum rahe bekhabar soch ke voh magroor se…

Fark to na kisiko pada shayad,

Par shayad do lamhe hansi ke lage kum se..

 

Hai baat shayad fitrat ki,

Jo lagi hume hansi ki, kar ke gayi khafa unko,

Dosti thi to sirf chand mahino ki,

 Par shayad do lamhe hansi ke lage kum se…

 

Laga unko sahi suljana chupki se,

Soche hum kyon nahi kardi shikayat vahin pe…

Raheta voh silsila jari hansi ka,

Par shayad yahi hona tha khuda ki marzi se…

 

Kal kya hoga, bekhbar hai hum us se,

Voh gile shikwe chodkar sab chal diye fir se..

Kya voh dosti khilke hansegi kabhi,

Shayad nahi, shayad khilegi hansi se…

 

May 18^th, 2012, Friday

Ek Kal le gaya Aaj

Sirhane rahete the jo sapne, bah jaate hai aansoon ke saath aaj,

Mit jate the jo ghum god mein aapke, reh jate hai zahen mein hi hamare aaj…

Bahek uthati thi jo rooh ek sparsh se, sahemi si raheti hai voh aaj,

Saji rahetii thi jo muskaan hamesha, dhoondhti raheti hai kuch voh aaj…

 

Kal aur aaj ke is badlaav mein, dhoondhte rahete hai voh kal,

Aaj ko jine ke liye kyon phir chahte hai jine ko voh kal?

Badalti karvatein bhi sochti hai kis aur aaj aur kis aur kal,

Aur voh khoye sur bhi banate hai bandish us dhun mein jo chidi thi kabhi kal…

 

Shararat voh mithi si aur nok-zok voh pyaari si,

Bhool na jaye kahin hum, aati hai patzad ke baad bahar bhi…

Raat jo lati hai tanhai, timtimate voh taron ki roshni hoti hai ummeed si,

Palchin jo hotein hai ghum ke, arsa lata hai khoonshiyan bhi…

 

Bhoolte nahi hum, Kuch paya kal to kuch khoya humne aaj,

Is jhamele mein kal ke aas chod di humne aaj…

Rahete hai is zahen mein hanste khelte voh ujale kal ke,

Par joh mila tha rahddar kal, chin ke le gaya pyara sa dost hamara aaj…

Pahelu naya ehsaason ka

Ehsaas ek naya, Sparsh ki anubhooti ka

Sparsh tha kshanik, par anubhooti uski mere sath…

Nadaan dil kuch bechain, kuch pareshaan,

Na samaj raha kya hua uske sath…

Aisa hi tha voh “Ahesaas”,

Jo laya tha anjaani anubhooti ka ehsaas apne sath…

 

Tha ehsaas naya, par kyon tha dil bechain?

Khushi na kuch pane ki, par ehsaas kuch khone ka tha sath…

Sine se laga ke rakhne us ehsaas ko,

Darta tha dil aur dhoondh raha tha kuch sawalon ke jawab…

Aisa hi tha voh “Ahesaas”,

Jo chod gaya tha kai sawal apne sath…

 

Kya kare aur kis se bayaan karein,

Is dil mein kai anjaane ankahe ehsaas…

Sawalon ki hui jaise bouchar,

Par aaj na bhigne ki khushi na gungunane nayi sargam ka sath…

Aisa hi tha voh “Ahesaas”,

Jo laya tha kuch dard ke ehsaas bhi apne sath…

 

Kabhi apnepan ka ehsaas,

To kabhi tha parayapan bhi sath…

Ehsaas yeh hua hume ki

matlab ke hote hai sab sathi sath…

Aisa hi tha “Ahesaa”,

Jo laya tha hokar bhi nahi hone ka ehsaas apne sath…

 

Is dil ke jazbaaton ko,

Aaj nahi mil raha shbdon ka sath…

Ehsaason ko kyon bayan kare,

Na karna kisi se izhaar aaj…

Voh tha “Ahesaas”,

Jo le gaya “Kashish” meri uske ehsaason ke sath…

 

This is in continuation of my very first poem that I posted here called “Ehsaas”. After reading that poem, you might feel, I have become little sad here..But frankly speaking, I have not written this poem with sad feelings.  Every coin has two sides and its a fact of life. I have just tried to be honest with the facts of life.

Parchai

Parchai kya hoti hai?

Apni hi rooh hoti hai…

Log kahe parchai hum banenge aapki,

Par parchai kya hoti hai???

 

Simti hui voh khud mein hi,

Apni hi pahechaan hoti hai…

Koi kaise bane saya hamara,

Mohtaj voh hamari hoti hai…

Hum nahi to uska vajhood kya?

Parchai to bus andhere mein chai hoti hai…

 

Sikh iski sirf yahi,

Khud mein hi apna jahan hota hai…

Koi peeche hamare ho na ho,

Chalna to phir bhi hume hota hai…

Agar thokar pe sambhala kisi ne

To voh sirf khel khuda ka hota hai…

 Kaheta hai khuda, “Karm tu karta hai, ful bhi tuje milta hai!!!”

Yeh Parchai kuch aur nahi, ek aaina hoti hai

Ehsaas

Ehsaas voh paheli barish ka,
Lekar aya mor apni thanak ke sath,
Ehsaas voh bahar ki paheli kali ka,
Lekar aayi koyal apni kuhuk ke sath…
Aisa hi tha voh “Ahesaas”,
Jo laya tha kai ehsaas apne sath…

Paheli barish ki voh paheli thi khushboo,
Aur Ahesaas tha paheli baar sath…
Boondein voh pyaari si saja rahi thi sargam,
Dil gunguna raha tha paheli baar kisi ke sath…
Aisa hi tha voh “Ahesaas”,
Jo laya tha bhigne ki khushi apne sath…

Sardi ke dino ki voh angadai,
Thi masoom si par bhari shararat…
Baheki si thodi voh shabnam ki bonndein,
Saja rahi thi sapne slone din raat
Aisa hi tha voh “Ahesaas”,
Jo laya tha shararat ka maza apne sath…

Patzad bhi nayi si thi,
Tha ehsaas kal aani hai bahar…
Voh raston pe bikhare patte ki sarsarahat,
Jaise Kaheti thi hone ko hai ek nayi shuruaat…
Aisa hi tha voh “Ahesaas”,
Jo laya tha patzad mein bahar apne sath…

Nadaan panchi tha yeh dil,
Tha pyaar ke jahaan se anjaan kabhi…
Mulaqaton ke silsilon mein sajaya tha,
Ahesaas ne naye ehsaason ka jahan kanhi…
Aisa hi tha voh “Ahesaas”,
Jo laya tha pankh dikhane pyaar ka aasmaan apne sath…

Saje the mausam jaise shringaar dulhan ka
Lekar aya jo thodi haya apne sath…
Ehsaas voh pyari si khushi ka
Jaise nache mor aur gaye koyal ke sath…
Aisa hi tha voh “Ahesaas”,
Jo laya tha rangeen ehsaas apne sath…

 

“Ahesaas” is my true inspiration to start this blog. While a friend gave me a final start, the idea was created just because there was a collection of many ehsaas of “Ahesaas”. It sounds complicated but is very true. I was able to create my blog just because Ahesaas gave me some thought process along with too many ehsaas in my heart. I would like to dedicate my blog to “Ahesaas”.

Thanks for showing me various colours of life..Shades of which are simply beautiful…